Shqipëria nuk mund të ketë një antikomunist për President, jo se nuk duhet por se nuk mundet! Liberale, 26. 05. 2022
Shqipëria nuk mund të ketë një antikomunist për President, jo se nuk duhet por se nuk mundet!
Përcaktimi
nga z. Alibeaj se Presidenti i ardhshëm do të jetë antikomunist më kujtoi
premtimin e z. Basha, në 13 maj 2017, se Republika e tij e Re sapo të vinte në
pushtet do të kompensonte ish-pronarët “me çmim europian”. Dy ishin ngjashmëritë
e ndërlidhura mes vetes, të këtyre dy ‘shpalljeve politike’ nga njerëzit që
kanë drejtuar opozitën shqiptare të nëntë viteve të fundit.
Së
pari, niveli i lartë i dimensionit cilësor apo mungesa e dimensionit sasior, çfarë
i bënte të dyja premtimet të pamatshme. Si mund të matet nëse dikush është apo
jo antikomunist? Kush është njësia matëse? Le të themi se mund të masim nëse
dikush nuk ka qenë antar partie në kohën e komunizmit, por kjo nuk e bën
antikomunist. Ka me qindra arsye pse një individ mund të mos ishte antar i
partisë së punës.
Përshembull,
ai mund të ketë dashur por për dhjetëra arsye nuk e kanë pranuar antarët e
tjerë të partisë që të bëhej një ndër ta. Të ishte komunist, në kohën e
komunizmit përfitoje shumë privilegje, pavarësisht parudhës komuniste se
‘komunisti është i pari në sakrifica dhe i fundit në privilegje’! Propogandë e
pastër, realiteti ishte shumë ndryshe!
Në
një rend të ‘luftës së klasave’, kush klasë mund të ishte më i privilegjuar: elita
drejtuese e klasës revolucionare, sikurse ishin komunistët në hirearkinë e
fortë të tyre; apo klasa revolucionare (punëtorët dhe fshatarësia
koperativiste)?
Për
klasën e përmbysur nuk po flas, se vendin e saj e përcaktonte vet emërtimi, jo
që nuk mund të ishin të privilegjuar por ishin edhe ‘të pëmbysur’. Këtyre as ju
shkonte ndërmend se mund të bëheshin antarë të partisë komuniste, e jo më të
bëheshin vërtet. Edhe nëse dikush prej tyre lajthiste dhe ëndëronte, shpesh
zgjohej në internimin apo burgosjen e radhës.
Një
arsye tjetër pse një individ mund të mos ishte antar i partisë së punës, është
edhe paaftësia e tij. Në proçesin e gjatë të testimit për tu bërë komunist, ai mund
të jetë paraqitur si i paaftë në kapërcimin e një prej dhjetëra barierave që
duhet të kaloje për tu bërë komunist! Se të bëheshe komunist nuk ishte dicka e
lehtë: duhet të bëheshe kandidat partie, së pari; pastaj të bëje stazhin e
partisë; e më tej të shkoje ca kohë në prodhim.
Mund
të dështoje diku, apo koha e gjatë nëpër këtë proces, mund të pamundësonte
antarësimin për arsye kohe fizike. Të mos harrojmë, ata që plotësojnë sot kushtet
ligjore por edhe logjike për të qenë President, në fund vitet 1980-të duhet të
ishin rreth 30 vjeç. Thënë këto, lind pyetja naive por edhe shteruese: a mund të
konsiderohet antikomunist, dikush, vetëm se ka qenë i paaftë për tu bërë
komunist?!
Ngjashmëria
e dytë mes dy ‘deklaratave politike’ është niveli i lartë i hipokrizisë dhe
talljes që i shoqëron, çfarë vjen pikërisht sepse janë të pamatshme. Është e
qartë për shumëkënd që kupton nga komunikimi publik, se të premtosh diçka të
pamatshme është një qasje populiste. Kjo merr një vlerë ekstra, veçanërisht kur
përdoret ndaj një çështje kaq shumë të rëndësishme, sikurse është përzgjedhja e
një Presidenti.
Me
pak fjalë, ti premtosh një grupi social që ka vuajtur nga komunizmi se do t’ju
sjellës një President antikomunist, kur me vetëdije e kupton se nuk ka asnjë
mjet për ta matur këtë, është hipokrite nga ana e atij që e premton, dhe tallje
me ata të cilëve ju drejtohet ky premtim. Ndryshon puna, nëse ju premton se do të
zgjedhësh një të persekutuar, apo një “ish”-pronar! Këto mund të maten por nuk
mund të premtohen, pikërisht sepse mund të maten.
Mirëpo,
a mund të konsiderohet një individ antikomunist, vetëm se ka qenë një i
persekutuar apo një “ish”-pronar? Vështirë të thuhet. Mund të thuhet, deri
diku, për brezin e parë të të persekutuarve të burgosur apo pronarëve të shpronësuar,
por pas 46 vjetësh socializmi stalinist dhe 32 vjetësh tranzicion, vështirë të
ketë mbetur gjallë ndonjëri prej tyre.
Kurse
pasardhësit e tyre, vështirë të konsiderohen antikomunistë. Këta mund të urrejnë
diktatorin dhe veglat e tij për mjerimin ekonomik dhe shtypjen politike e
sociale, që pësuan pikërisht prej faktit se ishin pasardhës antikomunistësh,
por kjo nuk i bën këta automatikisht antikomunistë. Sidoqoftë, më e pakta e
sigurtë është fakti se, nëse z. Alibeaj do fliste për ta, do i përkufizonte në
cilësorin më përfaqësues dhe njëkohësisht më të matshëm: të persekutuar apo
pronarë.
E
njëjta logjikë analitike shërben për premtimin e kompensimit ‘me cmim europian’
të pronave private të shtetëzuara prej 75 vitesh. Çfarë domethënie ka
togfjalëshi ‘me çmim europian’?! Edhe individi më i pashkolluar e di se toka
nuk vlen njësoj në të gjithë Shqipërinë. Ndryshon toka në qënder të Tiranës që
vlen disa mijëra euro për njësinë e sipërfaqes me atë në ndonjë zonë periferike
apo kufitare të vendit, që ta falësh nuk e merr njeri.
Imagjinoni
sa ndryshojnë çmimet e tokës nëpër europën e madhe, që nis nga Britania e mbërin
në Ukrainë. Bile, nuk ndryshojnë vetëm në dimensionet fizike, por edhe në dimensionin
kohë. A ka të njëjtin çmim toka sot në Ukrainë, me të njëjtën e para një viti?!
Ndryshon puna nëse premton ta kthesh fizikisht tokën! Kjo mund të matet por nuk
premtohet, pikërisht sepse mund të matet.
Këto
janë arsyet, jo vetëm pse nuk mund të zgjidhim moralisht problemin 32 vjeçar të
pronësisë mbi tokën, por edhe të zgjedhim një President nga një familje e ‘klasave
të përmbysura’. Politikanët që kanë marrë përsipër të përfaqësojnë këto “klasa”
në politikë e qeverisje, njësoj si kundështarët e tyre socialist, janë të
interesuar për atë ‘që duket më bukur’ jo për atë ‘që shërben’!
Të
thuash do zgjedhim një President antikomunist apo do kompensojmë pronën e
shtetëzuar me çmim europian, është thjeshtë propogandë që i bën këta njerëz të
duken bukur në sytë e të përfaqësuarve prej tyre, por nuk ka asnjë brendi apo
kontribut real në mirë përfaqësimin politik të tyre.
Faleminderit për gjithçka Dr.Ellen! Pasi ju kontaktova për të më ndihmuar të ndaloja divorcin me burrin tim, burri im ndaloi së paraqitur dokumentet e divorcit dhe gjërat janë shumë më mirë. Siç thatë, i gjithë procesi i divorcit u anulua, gruaja e keqe që shkaktoi probleme në martesën time la burrin tim dhe tani jemi shumë të lumtur së bashku. Unë e ndaj këtë përvojë jetësore me këdo që po përballet me sfida të ngjashme në marrëdhënien e tyre, martesën apo ndonjë çështje tjetër. , mund të kontaktoni Dr Ellen në WhatsApp +2349074881619
ReplyDeleteAjo është e aftë në magjitë e mëposhtme:
* magji dashurie
* magjitë e martesës
* magjitë e parave
* magjitë e bukurisë
* Magjitë e fatit
* Magjitë e tërheqjes seksuale
* Magjitë e kurimit të SIDA-s
* Magjitë e lotarisë
* Mallkimet heqin menjëherë magjitë
* Magjitë mbrojtëse
* Parashikimet e Lotarisë
* Magjitë me fat
* Magjia e fertilitetit
* Unaza e telekinezës 💍
Email: ellenspellcaster@gmail.com
Whatsapp +2349074881619